ASTEBURURAKO PLAN BERDEAK

Asteburu honetan Mimosi eta bere lagunak ezagutu!

Animaliekin batera esperientzia ezohiko bat izan nahi? 

Goxo goxo beraien istoriak entzun eta zikintzeko prest,

 eta haiengandik gertu egotea lortzen badugu, zer ikasia eta

 gozatua baietz eduki! 

Data eta ordua: Urriak 7 eta 8, 11:00-13:00

Adina: 5-11 urte

Izenemateak: erreserbak.ekogunea.eus

Plaza mugatuak!

Jolas librea: Zergatik eta nola

Data

2017ko Urriaren 14 (Larunbata) 20 PLAZA

Lekua

Kutxa Ekogunea parkea

Ez dugu beti jakiten nola jokatu eta bultzatu gure haurrak jolas librean aritzeko, eta agian ez gara jabetzen jolas librea zein garrantzitsua den gure seme-alaben garapenerako.

Tailer honetan haurren jolas librea nola sustatu eta jolasean ari direnean gurasook nola jokatu dezakegun hausnartu eta ikertuko dugu. Haurtzaroaren aitortza egitetik abiatuko gara eta jolas librearen onurak eta moduak ezagutuaz, baloreetan hezteko duten eraginkortasunaz jabetuko gara.

Behaketa eta ikerketa ariketa kolektiboa egingo dugu Ekoguneko Haur Parkean eta gure haurrekin jolas librea praktikan jartzeko baliabideak eta pistak identifikatzen saiatuko gara.

Ordutegia

• 12:30-13:30 (Euskaraz)
• 17:30-18:30 (Gazteleraz)                                            IZENA EMAN

Udazkeneko Sendabelarrak: habitat naturalean identifikatzeko irteera eta prestakinak egitea

017ko Urriaren 14 (Larunbata) 17 PLAZA

Lekua

Kutxa Ekogunea parkea

Kutxa Ekogunea parkean izango den ikastaro praktiko hau bi zatitan banatuko da. Goizean ibilaldi bat egingo dugu parkean zehar, gure lurraldeko udazkeneko  sendabelar ohikoenak bere habitat naturalean identifikatzen eta beharrezko ditugunak aukeratu eta jasotzen ikasteko. Arratsaldean, elkarrekin giro goxoan bazkaldu ondoren, sendabelarren prestakinak egingo ditugu eta sendabelar bakoitzaren atal erabilgarriak, propietateak eta erabilerak zehaztuko ditugularik.

Hau guztia, espezialista den eta esperientzia eta ezagutza handia duen irakasle apasionatua bidelagun dugularik.

Partaideek etxera eraman ahal izango dituzue tailerrean prestatutakoak eta horregatik, kristalezko pote berrerabiliak ekartzea eskatzen dizuegu.

***Bazkaria ez dago ikastaroaren prezioan barneratuta. Kutxa Ekoguneko jatetxe ekologikoan bazkaltzeko erreserba egiteko aukera. Erreserba Telefonoa: 619412086

Ordutegia

10:00-13:30 / 15:00-17:30

Hizkuntza

Gaztelera

44,00€*

BEZ
barne

Kutxabankeko bezeroak

53,00€*

BEZ
barne

Orokorra

IZENA EMAN

GAI BERRIA ETA EKO ARDURADUNAK

Txoko berdean hasi gara martxan!

 Aurten BIODIBERTSITATEA eta KULTUR ANIZTASUN KULTURAL gaia landuko dugu.

 Lasai izen potoloa  baina denon artean emango diogu buelta.

Dagoeneko hasi gara ikastetxe barruko lana antolatzen eta gelako EKO arduradunak izendatu ditugu:

Liher, Martin, Enara, Sara, Laia,  Nora eta Alex dira aurtengo EKO arduradun berriak.

 FRUTAREN EGUNAREN lehiaketarekin hasi gara dagoneko. Gela bakoitzeko  kortxoan zintzilikatuta daude taulak eta EKO arduradunen ardura izango da asteazkenero beraien gelako zenbaketa egitea. Hiruhilabetero irabazle bat egongo da  eta kurtso bukaeran sari nagusia gelarik osasuntsuenarentzat (oparia zehaztu gabe oraindik.

Bestalde  txoko berderako argazkiak, marrazki lehiaketa, GURE HELBURUA, ZAINDU INGURUA  kanpaina aurrera eraman, patioa, komunak eta eskola garbia mantendu, zabor bilketa egokia egin (papera, plastikoa, errefusa)... Lan handia daukagu aurrera eramateko ikusten duzuen bezala

Bukatzeko aurten landuko dugun gaiaren inguruko bideo bat uzten dizuegu ikusgai.

HAUR HEZKUNTZAN HAMAIKETAKO OSASUNTSUA

Dakizuen bezala, Haur Hezkuntzan  HAMAIKETAKO OSASUNGARRIA egiten saiatzen gara egunero  eta ez dugu Lehen Hezkuntzan bezala frutaren egunik eta frutaren lehiaketarik.
Egunero- egunero gailetak eta fruta ezberdinak jaten ditugu. Haurrak dira txandaka- txandaka bai gailetak eta baita fruta ere ekartzeko arduradunak.
    Horrela, garaiko fruta ezberdinak probatzen ditugu eta aldi berean, osasuntsu jatearen garrantziaz jabetzen gara.

AUPA HAUR HEZKUNTZAKO TXAPELDUNAK eta SEGI HAMAIKETAKO OSASUNTSUA EGITEN!!!

ARGAZKI GEHIAGO

UDAZKENEKO MERIENDA HH4

Udazkena gaiaren barnean 4 urtekoak jarduera ugari burutzen ari dira ikastolan.

Udazkeneko fruituekin esaterako, merienda goxo-goxoa egin zuten gelan bertan. 

Behin fruitu guztiak identifikatu eta bere izenak jarri ondoren, andereñoen laguntzarekin merienda prestatzeari ekin zioten; fruituak zuritu, zatitu, ontzietan banatu, mahaian jarri eta garrantzitsuena JAN!!!

Oso goxoa zegoen dena!

Zein garrantzitsua den garaiko fruituak garaian jatea!

4. MAILAKOAK HASI DIRA BARATZEAN LANEAN!

      Azkeneko ikasturtean bezala, urritik maiatzera, Lehen Hezkuntzako 4. mailako ikasleek asteazkenetan Lugaritzeko terrazako baratza lantzeko aukera izango dute CRISTINA ENEAko etxEKOlanda egitasmoaren barruan. 

     Bertan, baratzeko fruitu eta barazki ezberdinen izenak eta zein garaikoak diren, hauen zikloa nolakoa den, konposta egiten... ikasiko dute. Gainera, saioak oso praktikoak izango dira eta gure ikasleek baratza gertutasunetik lantzeaz gain uzta bilduko dute eta saio hauetan landutakoa, ontzietan etxera edo eskolara eramateko aukera izango dute.

     Laster jarriko ditugu lehenengo saioetako argazkiak.

ANIMO eta EKIN LANARI!!!